02 мар 16:20
Янгиликлар
Формула-1
Макс Ферстаппен "Ред Булл" билан шартномасини узайтирди
"Ред Булл" пилоти, 2021 йилги жаҳон чемпиони Макс Ферстаппен Австрия жамоаси билан янги шартнома имзолади, дея хабар бермоқда De Telegraaf.
Нашрнинг маълум қилишича, шартнома бир неча мавсумга мўлжалланган. Келишувнинг аниқ шартлари ҳозирча эълон қилинмаган. Манбага кўра, янги шартнома Ферстаппенни Нидерландиядаги энг кўп маош олувчи спортчига айлантиради. Янги шартномага кўра, Макс 40 миллиондан 50 миллион еврогача маош олади.
Эслатиб ўтамиз, Ферстаппен "Формула-1"нинг амалдаги чемпиони ҳисобланади. "Ред Булл" эса ўтган мавсум якунида конструкторлар чемпионатида иккинчи ўринни эгаллаган эди. Янги мавсумда жамоа ҳайдовчилари таркиби ўзгармайди. Австрия жамоасида Ферстаппендан ташқари Мексика вакили Серхио Перес ҳам пойгаларда иштирок этади.
Маълумот учун, Макс 2016 йилда "Ред Булл" ҳайдовчисига айланган.
Ҳавола :
Манба : championat.com
Фикрлар