"Манчестер Сити" ҳимоячиси Канселу фаолиятини қайси клубда якунлашни хоҳлашини айтди

"Фаолиятимни "Бенфика"да якунламоқчиман. Мен ушбу клубда жиддий даражага чиқдим, бундан ташқари, мен - "бургутлар" мухлисиман. Умид қиламанки, бир кун келиб "Бенфика" либосида майдонга чиқаман", - дейди Канселу.

Канселу - "Бенфика" тарбияланувчиси, у жамоада 2015 йилнинг июлига қадар ўйнаган.

26 ёшли португалиялик футболчи 2019 йилнинг ёзидан бери "Манчестер Сити"да ўйнамоқда, у 2020/21 йилги мавсум "шаҳарликлар" сафида 43та ўйинда майдонга тушиб, 3та гол ва 5та ассист қайд этди.