“Манчестер Сити” рекорд даражадаги трансферни амалга оширмоқчи

“Манчестер Сити” “Наполи” ҳимоячиси Калиду Кулибалини клубга олиб келиш учун, унинг шартномасида кўрсатилган 118 млн евро товон пулини тўлашга тайёр. 28 ёшли Кулибалига “Сити”дан ташқари “Челси” ҳам даъвогар бўлиб турибди. 

Маълумот учун, Калиду жорий мавсум “Наполи” сафида барча мусобақалар доирасида 20 та ўйин ўтказди. Унинг клуб билан амалдаги шартномаси 2023 йил 30 июнига қадар тузилган.