17 июн 08:46
Янгиликлар

Теннис

Маннарино - Libema Open турнири ғолиби!

Голландиянинг Хертогенбос шаҳрида теннис бўйича нуфузли ATP турнири якунига етди.

Мусобақада бош соврин дунёнинг 44-ракеткаси Адриан Маннаринога насиб этди. Франциялик теннисчи финал учрашувида рейтингнинг 62-поғонаисдан жой олган австралиялик Жордан Томпсонга қарши кортга чиқди.

Адриан 2 соату 1 дақиқа давом этган баҳсда 7/6(7), 6/3 ҳисобида зафар қучди. 30 ёшли Маннарино Libema Open турниридаги муваффақиятли иштирок сабаб 250 рейтинг очкоси ҳамда 109 590 евро мукофот пулига эга бўлди.