29 сен 13:10
Янгиликлар

Теннис

Маргарита Гаспарян "Tashkent Open" мусобақаси ғолиби бўлди

Пойтахтимизда теннис бўйича мукофот жамғармаси 250 000 АҚШ долларини ташкил этувчи аёллар ўртасидаги мусобақа ниҳоясига етди.

Турнир финалида россиялик Анастасия Потапова ҳамда унинг юртдоши Маргарита Гаспарян тўқнаш келишди.

1 соат 3 дақиқа давом этган баҳсда Гаспарян рақибасини 6:2, 6:1 ҳисобларида мағлуб этди ва турнир ғолибасига айланди.

Ушбу муваффақият Гаспарянга 43 000 АҚШ доллари ҳамда 280 рейтинг очкосини тақдим этди.