Марҳаматда Эркин Воҳидов номидаги шахмат ва волейбол мактаби фойдаланишга топширилди

Юртимиздаги улкан бунёдкорлик ишларининг намунаси сифатида Марҳамат туманидаги Алитепа маҳалласида қурилган, умумий лойиҳа қиймати 4 млрд 300 млн сўмни ташкил этадиган спорт таълим муассасасида мингга яқин ёшларнинг шахмат ва волейбол спорт турлари бўйича машғулотлар олиб бориши учун шароитлар яратилган.

Шунингдек спорт мактаби қошида мингдан ортиқ спортга оид китоблар билан тўлдирилган кутубхона ҳам ташкил этилиб, маҳаллий аҳоли фойдаланиши учун топширилди.

Спорт мактабининг тантанали очилиш маросимида иштирок этганлар келажакда Марҳамат туманидан ушбу спорт турлари бўйича бир нечта чемпионлар етишиб чиқишига умид билдиришди.