18 сен 12:16
Янгиликлар

Теннис

Марина Бассолс Рибера Люблянада тенгсиз бўлди

Дунёнинг 132-ракеткаси Марина Бассолс Рибера Словения пойтахти Любляна шаҳрида якунига етган турнир ғолибасига айланди.

Испаниялик теннис маликаси WTA 125 тоифасига кирувчи ушбу турнирнинг 82 дақиқа давом этган финал баҳсида рейтингнинг 177-поғонасидан жой олган туркиялик Зейнеп Сёнмездан устун келди - 6/0, 7/6(2). Рибера теннисчиларнинг ўзаро учрашувларидаги ҳисоб мувозанати тиклади - 1:1.

Учрашув статистикаси:

Эйс зарбалар: Рибера 0, Сёнмез 0.

Қўшхатолар: Рибера 4, Сёнмез 3.

Брейклар: Рибера 6, Сёнмез 3.

Словения заминидаги муваффақиятли иштирок Бассолс Риберага 160 рейтинг очкоси ва 13,040 евро мукофот пули келтирди. Сёнмез эса бир ҳафталик меҳнатидан 95 очко ҳамда 7,390 евро ишлаб олди.