27 сен 11:34
Янгиликлар

Теннис

Кеи Нишикори ўз ватанидаги турнирдаги юришини бошлади

Дунёнинг роппа-роса 200-ракеткаси бўлиб турган Кеи Нишикори Токиодаги ATP 500 тоифасига кирувчи турнирда ўз омадини синаб кўрмоқда.

Япониялик тажрибали теннисчи илк даврада ATP рейтингида 212-поғонадан жой олган хорватиялик Марин Чилични 6/4, 3/6, 6/3 ҳисобларида мағлубиятга учратди. Теннисчиларнинг ўзаро учрашувларида Кеи олдинда бормоқда - 10:6! Сўнгги бор улар бундан олти йил аввал кортда тўқнаш келишганди.

Икки соату олти дақиқа давом этган баҳсда Нишикори 7, Чилич 9 та эйс зарбасини амалга оширди. Брейклар бўйича устунлик Кунчиқар юрт вакили томонида бўлди - 3 га 1. Энди Нишикори австралиялик Жордан Томпсонга қарши кортга чиқади.