Маррей Мадриддаги чемпионлик учун олган пулини хайрия қилади

Британиялик теннисчи Mutua Madrid Open Virtual Pro турнирида қўлга киритган мукофот пулларини хайрия ишларига сарфлашини маълум қилди.

"Ўйлашимча, виртуаль турниридаги иштирокимиз кимгадир қизиқ бўлди. Тўғри, виртуаль ўйин ҳақиқийсининг ўрнини босмайди. Аммо, ҳеч бўлмаса шу йўл билан теннис завқини мухлисларга улаша олдик. Бу турнирдан ишлаб топган маблағимнинг ярмини Британия Миллий соғлиқни сақлаш хизматига йўналтираман. Қолган қисмини эса рейтинги паст бўлган теннисчиларимизни қўллаб-қувватлаш учун сарфлаймиз", - деди Маррей ўзининг Twitter саҳифасида.