26 авг 12:28
Янгиликлар

Бокс/ММА

Машрапов АҚШдаги LFA 167 турнирида жанг қилади, рақиб жиддий + ПОСТЕР

15 сентябрь куни АҚШнинг Нью-Йорк штатида LFA 167 турнири бўлиб ўтади.

Биз учун аҳамиятлиси, мусобақанинг co main event'ида ярим ўрта вазн тоифасида ўзбекистонлик Баҳромжон Машрапов (7-2-0) октагонга кўтариладиган бўлди. Унга россиялик Шамидхан Магомедов (6-1-0) рақиблик қилади. Жанг 3 раунд этиб белгиланган.

Баҳромжон Машрапов учун бу LFA лигасидаги иккинчи жанг бўлади. У ўз дебютида америкалик Логан Урбанни (6-2-0) нокаутга учратган эди. Шамидхан Магомедов ҳам 15 сентябрь куни LFA лигасидаги иккинчи жангини ўтказади. У ўз дебютида Кольман Скрибнерни (3-3-0) муддатидан олдин енгган эди.