"Matchroom Boxing" Муроджон Аҳмадалиев иштирокидаги жангни расман эълон қилди

Ҳамюртимиз 8 апрель куни Техасда ўтказиладиган профессионал бокс оқшоми доирасида рингга кўтарилади. 

Ўша куни у ўзига тегишли WBA ва IBF камарларини филиппинлик Марлон Тапалесдан ҳимоя қилади.

Муроджон Аҳмадалиев шу кунгача проф боксда 11 та жанг ўтказган ва уларнинг барчасида ғалаба қозонган. 8 та жангни у муддатидан олдин якунлаган. 

30 ёшли Марлон Тапалес эса проф рингда 39 маротаба рингга кўтарилган. У жангларининг 36 тасида ғалабага эришган (19 та нокаут). 3 та жангда мағлубиятга учраган (2 та нокаут). 

Кечанинг марказий жангида Жесси Родригес ва Кристиан Эрнандес энг енгил вазн тоифасида вакант бўлиб турган WBO камари учун рингга кўтарилади.