20 ноя 08:25
Янгиликлар

Футбол

Маурисио Почеттино "Тоттенхэм"ни тарк этди

Бу ҳақида жамоанинг Twitter'даги расмий саҳифаси хабар берди.

Лондоннинг "Тоттенхэм" клуби бош мураббийи Маурисио Почеттино ўз лавозимини тарк этди. Бунга сабаб клубнинг жорий мавсумда қайд этаётган қониқарсиз натижалари ҳисобланади.

"Шпорлар" АПЛнинг ортда қолган 12 туридан кейин 14 очко тўплаганлари ҳолда мусобақа жадвалининг 14-поғонасида жойлашганлар. Аргентиналик мутахассис Лондон клубини 2014 йилда қабул қилиб олганди.

Эслатиб ўтамиз, Почеттино "Тоттенхэм"гача "Эспаньол" ва "Саутгемптон" клубларини бошқарган.