05 июн 18:18
Янгиликлар
Бокс/ММА
Махачев: "Баъзиларга "Оғайни, машғулот ўрнига бориб ишла" дегинг келади"
UFC чемпиони Ислам Махачев Доғистонда ёшларнинг эътиборини фақат спортга эмас, балки таълим ва бошқа соҳаларга ҳам қаратиш кераклиги ҳақидаги фикрга қўшилди.
"Доғистонда спорт маданиятини билим, таълим ва бизнес маданиятига йўналтириш керакми? Ҳа, мен бунга тўлиқ қўшиламан. Чунки катта пулларга жуда-жуда кам одам етиб боради. Аммо одамлар сутка давомида залда машғулот қилишади.
Мен залга келганимда, тахминан қайси йигитдан спортчи чиқиши, кимда иқтидор борлигини биламан. Бошқаларига эса: “Биродар, бориб бирор ҳунар ўрган. Бориб ишла”, дегинг келади.
Лекин мен буни айта олмайман. Чунки инсон ишонади. У менга намуна сифатида қарайди. Агар эртага унга шундай десам, руҳан синиб қолиши мумкин. Машғулотни ташлаб қўйиши, ҳатто умуман яхши бўлмаган ишлар билан шуғулланиб кетиши ҳам мумкин", — деди Махачев.
Ҳавола :
Манба : Мурад ЛяРиба
Фикрлар