"Махачев билан жанг Жек учун Билол билан бўлганидан осонроқ ўтади" - мураббий

"Бу жанг менга ёқмоқда. Услубий жиҳатдан олиб қаралса, бу беллашув Билол билан бўлган жангдан осонроқ кечиши мумкин, деб ўйлайман. Билол қандай ҳаракат қилишини тахмин қилиш қийин бўлган рақиб — у билан ишлаш мушкул. Ислам эса анъанавийроқ жангчи. Албатта, у бирoз кичик жуссага эга, лекин шубҳам йўқки, у жанг учун етарлича вазн тўплайди. Бу ерда икки хил ҳолат бўлиши мумкин: ё у вазн туширмасдан жангга чиққани сабабли ўзини яхши ҳис этади, ёки ортиқча килограммлар унинг чидамлилигига таъсир қилади. Ҳозирча аниқ айтиш қийин.

Менинг билишимча, Махачев ҳеч қачон ярим ўрта вазнда профессионал даражада жанг қилмаган. Бу унинг янги тоифадаги илк жанги бўлади — ҳамда дарҳол чемпионлик жанг, беш раундли беллашув. Бу Ислам учун жиддий синов. Албатта, у сўнгги вақтларда рақибларини тўлиқ устунлик билан енгиб келмоқда, бу эса уни фаворитга айлантиради. Аммо менимча, бу жанг Делла Маддалена учун яхши кечади", — деди Викерс Southern Cross Combat нашрига берган интервьюсида.