12 окт 10:41
Янгиликлар

Бокс/ММА

Махачев Доғистон ҳақидаги ҳазил билан Волкановскининг янги соч турмагига муносабат билдирди (ФОТО)

Теглар : Ислам Махачев Александр Волкановски

Ярим ўрта вазнда UFC чемпиони Ислам Махачев келиб чиқиши македониялик бўлган австралиялик ярим енгил вазн тоифаси чемпиони Александр Волкановскининг янги соч турмагини эътиборсиз қолдирмади.

"Street Fighter" ("Кўча жангчиси") фильмида суратга тушиш учун махсус янги турмак қилдирган Волкановски ўзининг янгиланган услубини ижтимоий тармоқларга жойлаштириб, расмга шундай изоҳ ёзди: "Калта кесилган "Бўри" сариқ сочли бўрига қарши. Кимни танлайсиз?"

Волкановскининг пости остидаги изоҳларда Махачев ўзининг интернет-мемга айланган "Уни 2-3 йилга Доғистонга юбориш ва унутиш керак" деган иборасига ишора қилиб, "2-3" деб ёзди. Австралиялик спортчи Исламнинг изоҳига лайк босди.