Махачев қайси паллада Россияда жанг қилиш қизиқ эмаслигини тушуниб етганини айтди

"Америкага учиб бориб, UFC турнирини биринчи марта томоша қилганимдан сўнг, ташкилотчилик масштабини кўрганимдан кейин Али Абдель-Азиз билан гаплашганман ва энди уйга қайтиб, Россияда жанг қилмаслигимни, менга UFC билан шартнома олиб беришини айтганман.

Босқичма-босқич барчаси ўзгарган: қачонлардир жанговар самбо спорт устаси бўлишни истаганман, кейин Россия чемпионати ғолиблигини хоҳлаганман, кейин эса жаҳон чемпионлигини. 

Кейинчалик эса янги мақсадлар пайдо бўлган. Ўшанда мен катта ташкилотлар билан бирга ишлашни, Россияда қолиб кетмай, ўз кучимни Америкада ҳам синаб кўришим кераклигини тушунганман", - деди Махачев.