Махачевнинг мураббийи: "Топуриянинг заиф томони бор"

Агар Ислам Илия навбатдаги жангларида ғалаба қозонишса, уларнинг йўли октагонга кесиши мумкин. Уларнинг ўзаро жанги воқеалар ривожининг энг эҳтимолий вариантига айланади. Мендес эса Исламнинг испания-грузиялик жангчига қарши қандай тактика қўллаш кераклигини аллақачон билади.

"Илия билан бокс масофасида туриб бўлмайди. У ММАдагилар орасида энг яхши боксга эга жангчи. Шу боис, у билан масофадан туриб, турли бурчакларда ва тиззаларда зарбалар бериш орқали ишлаш керак. Муай-тай бунинг учун энг мос келади. Унинг ўзига яқинлашишига йўл қўймаслик - бу мураккаб вазифа, чунки боксдан ташқари, Илиянинг муносиб кураши ҳам бор. У билан бирга шуғулланган одамлар менга унинг жиу-житсуга ҳам муносиб жиҳатлари борлигини айтишган.

Топурия деярли мукаммал жангчи, лекин барибир тўлиқ эмас: унинг заиф томони бор - бу оёқ зарбалари. Бу заифликни унга қарши ишлатиш керак, бундан ташқари, керак бўлганда уни синаб кўриш учун яхши грепплинг кўникмаларига эга бўлиш лозим. Биз ҳозирча унинг партерда қанчалик яхши эканини билмаймиз ва буни текширишимиз керак", - деди америкалик мутахассис "Know Time To Fly" подкастида.

Маълумот учун, Ислам Махачев 15 ноябрь (Тошкентда 16 ноябрь тонги) куни Нью-Йоркда бўлиб ўтадиган UFC 322 турнирининг асосий жангида австралиялик Жек Делла Маддаленадан ярим ўрта вазн тоифаси чемпионлик камарини тортиб олишга ҳаракат қилади. Топурия эса январь ойида британиялик Педди Пимблетт ёки америкалик Жастин Гэтжига қарши чемпионлик камарини ҳимоя қилади.