04 апр 18:51
Янгиликлар

Таэквондо

Май ойида ўтиши керак бўлган Осиё чемпионати яна қолдирилди

Бутун дунё бўйлаб кенг тарқалаётган коронавирус пандемияси туфайли жаҳон даражасидаги спорт мусобақалари ўтказилиш санаси бошқа муддатга қолдирилмоқда.

Жумладан, Ливаннинг Байрут шаҳрида Таэквондо бўйича XIV Осиё чемпионати бўлиб ўтиши белгиланган эди. Дастлабки тақвимга кўра қитъа чемпионати 3-6 мартга белгиланган эди. Бироқ мусобақа коронавирус туфайли 13-15 май кунларига қолдирилган эди. Лекин Бутунжаҳон таэквондо федерацияси раҳбари Чунвон Чойнинг хатига биноан апрель ва май ойидаги барча мусобақалар кейинроқ муддатга қолдирилди.

Маълумот учун, Ўзбекистон терма жамоаси ҳозирга қадар катталар ўртасидаги Осиё чемпионатида 6та олтин, 5та кумуш ва 18та бронза, жами 29та медални қўлга киритган.

Ўзбекистон таэквондо ассоциацияси матбуот хизмати