Майами "Мастерс". Карлос Алькаразда кутилмаган мағлубият

Кутилмаганда дунёнинг учинчи ракеткаси Карлос Алькараз 1/32 финал баҳсида ATP рейтингида 55-поғонада бораётган бельгиялик Давид Гоффинга имконияти бой бериб қўйди - 7/5, 4/6, 3/6. Теннисчиларнинг ўзаро учрашувида Гоффин ҳисобда олдинга чиқиб олди - 2:1. 

Икки соату 20 дақиқа давом этган баҳсда Алькараз 8, Гоффин 3 та эйс зарбасини амалга оширган. Иккала теннисчи ҳам 2 тадан қўшхатога йўл қўйди. Брейклар бўйича устунлик бельгиялик теннисчи томонида бўлди - 4 га 2. Энди у Miami Open турнирининг учинчи даврасида америкалик Брэндон Накашимага қарши кортга чиқади. Накашима ўз ўрнида испаниялик Роберто Карбальес-Баэнани 6/4, 4/6, 6/3 ҳисобида таслим этди.