Майк Тайсон: "Қамоқдаги уч йил ҳаётимнинг энг яхши онлари бўлиб қолди"

"Мен қамоқда ажойиб уч йилни ўтказдим. Ўша ҳаётда мен ўзим билан ёлғиз эдим. Мени диққат билан эшитинглар, агар ҳаётингизда хотиржамлик, барқарорлик ва мувозанат бўлмаса, пуллар мутлақо аҳамиятсиз нарсага айланиб қолади. Сиз ҳаётингизнинг ҳар бир жабҳасини назорат қилишингиз керак. Бунинг учун эса сиздан соғлом фикрлаш талаб этилади. Мен ҳамиша бир гапни айтганман, Яратган сизга имкониятлар эшигини очади, бундан унумли фойдалана олмасангиз, жазолайди", - деди Темир Майк.  

Эслатиб ўтамиз, Майк Тайсон 1992 йилда номусга тегишда айбдор деб топилиб, 6 йилга озодликдан маҳрум этилганди. Лекин 1995 йилда, жазонинг тенг ярмини ўтаб бўлганидан кейин озодликка чиқарилган эди. 2024 йилда 57 ёшли Тайсоннинг бойлиги 10 миллион долларга баҳоланмоқда. Фаолиятитининг энг гулаган даврида эса 300 миллион долларга эга бўлгани манбаларда айтилади.