Майкл Пейж энди бошқа промоушенда жанг қилади

Англиялик аралаш яккакураш устаси Misfits Boxing промоушени билан кўп йиллик шартнома имзолади. Бу ҳақда ташкилотнинг шанба куни бўлиб ўтган турнири давомида эълон қилинди.

"Мен узоқ вақтдан бери яккакураш спортлари билан шуғулланаман ва кўплаб таклифлар олганман. Аммо MF Sports — айнан менга мос келадиган ташкилот. Улар бошқача услубда ишлашади, атрофида катта энергия бор ва жанглар кенг кўламда ташкил этилади. Фаолиятимдаги ушбу янги босқични интиқлик билан кутяпман ва бокс оламига нималарга қодирлигимни кўрсатмоқчиман", — дея Пейжнинг сўзларини келтиради промоушен матбуот хизмати.