01 сен 14:50
Янгиликлар

Бокс/ММА

Майрис Бриедис Усик учун икки хавфли жангчини тавсия қилди

Биринчи оғир вазн тоифасида собиқ жаҳон чемпиони Майрис Бриедис супероғир вазнда мутлақ жаҳон чемпиони Александр Усик учун хавфли бўлган жангчиларни айтди.

"Ўйлашимча, Усик учун жиддий хавф соладиган рақиб бу — Жей Опетайя. Бундан ташқари, яқинда Диллиан Уайтни нокаутга учратган — Мозес Итаумани ҳам унутмаслик керак. Ҳар икки боксчи ҳам жуда ёш ва ғалабаларга чанқоқ. Уларнинг ичида олов ёняпти. Усик катта тажриба бор, машғулотларда "мешок"ка миллионлаб, балки миллиардлаб зарбаларни йўллаган", — дея Бриедиснинг сўзларини келтирмоқда Seconds Out.

Эслатиб ўтамиз, 2018 йилда Александр Усик Латвия пойтахти Рига шаҳрида ўтказилган жуда яқин жангда Майрисни очколар ҳисобига кўра мағлубиятга учратган эди. Ўша жанг биринчи оғир вазн тоифасида ўтказилган эди. Австралиялик Жей Опетайя ҳам ҳозир айнан биринчи оғир вазнда IBF чемпиони бўлиб турибди.