Мбаппе Олимпиадада иштирок этиш масаласига узил-кесил нуқта қўйди

Килиан Мбаппе Париж Олимпиадаси борасидаги якуний қарорини маълум қилди. Футболчи ўз клубининг қарорига кўра бу турнирда ўйнамайди.

"Янги клубимнинг Олимпия ўйинлари бўйича позицияси ўта аниқ. Турнирда ўйнамайман. Ҳақиқат шундан иборат.

Мен янги клубга ўтганимни яхши англайман. "Реал"га сентябрь ойида қўшилиш янги саргузаштни бошлаш учун яхши қарор эмас.

Францияга омад тилайман. Уларни мухлис сифатида кузатаман. Ишонаманки, улар олтин медалларни қўлга киритадилар", -дейди Килиан Мбаппе.

Эслатиб ўтамиз, Килиан Мбаппе яқинда "Реал Мадрид" клуби аъзоасига айланди. Футболчи ПСЖни эркин агент сифатида тарк этиб, мадридликлар сафига қўшилди.