UZ

Сўнгги янгиликлар

08:11Бугун Муроджон Аҳмадалиев очиқ машғулот ўтказади 0 20:04Дзюдо. Ўзбекистон жамоавий баҳсларда кумуш медалга эга чиқди 0 20:00АПЛ. "Манчестер Сити"да мағлубият, Абдуқодир Ҳусанов эса... 0 19:19"Аспиналл жангларда Мухаммад Алига ўхшайди" - UFC собиқ чемпиони 0 18:55АҚШ Президентининг махсус вакили Олимпия шаҳарчаси билан таништирилди 0 18:33"Царукян Топурия билан тик турган ҳолатда жанг қилишга мажбур бўлади" - Двалишвили 0 18:10Аканжи "Манчестер Сити"ни Лондон клубига алмаштириши мумкин 0 17:40"Бу битта халқ". Али Абдель-Азиз Кавказ жангчилари ўртасида адоват чиқараётганларни айблади 0 17:17Ўзбекистонда янги спорт федерацияси иш бошлади 0 16:39"Сабрсизлик билан кутяпман" - Дмитрий Бивол 0 16:29Бўлажак педагоглар футболда ҳам эътирофда 0 16:10Дзюдо. Ярим финалда Мўғулистон мағлуб этилди, финалдаги рақибимиз - жиддий! 0 16:02ЕЧЛ. "Қайрат" - "Реал" ўйини учун чипталар нархи қанча? 0 15:40Маҳмуд Мурадов ўзига янги қимматбахо автомобиль харид қилди (ФОТО) 0 15:15ITA кураш бўйича ўзбекистонлик Жаҳон чемпионини дисквалификация қилди 0

09 сен 08:41
Янгиликлар

Бокс/ММА, Муайтай, Самбо

МДҲ ўйинларидаги медалларимиз 67 тага етди, шундан 17 таси "тилла" + ЖАДВАЛ

Россия Федерациясининг Қозон шаҳрида биринчи Мустақил Давлатлар Ҳамдўстлик ўйинлари давом этмоқда.

Мусобақанинг бешинчи кунги баҳсларидан сўнг Ўзбекистон спорт делегацияси ҳисобидаги медаллар сони 67 тага етди. Шулардан 17 таси олтин медаллардир. Кумуш медаллар сони 26 та, бронзалар эса 24 тани ташкил этмоқда. 

Кеча "Тулпар" спорт аренасида мусобақа дастуридан ўрин олган муайтай баҳслари бўлиб ўтди. Тайбоксчиларимиз терма жамоамиз делегациясига 8 та медаль тақдим этишди. 57 кг вазн тоифасида юртимиз шарафини ҳимоя қилган Фахриддин Ҳасанов барча рақибларини енгиб, МДҲ ўйинлари чемпионига айланди. У финалда қирғизистонлик Уларбек Абдиевни мағлубиятга учратди. Парвиз Абдуллаев (63,5 кг) кумуш, Давлатшоҳ Шамсиев (60 кг), Раҳимжон Болтабоев (67 кг), Каримжон Каримов (71 кг), Азизбек Мадаминов (75 кг), Шаҳрамхон Ҳасанхонов (81 кг), Исматилла Исматиллаев (91 кг) бронза медалига сазовор бўлди.       

3х3 баскетболда Фарангиз Жалилова, Анастасия Цой, Рамиля Замалетдинова, Инна Шекдан иборат аёллар терма жамоамиз бронза медалига эга чиқди. Ўзбекистон спорт делегацияси 67 та медаль билан умумжамоа ҳисобида иккинчи ўринни эгаллаб турибди. 

Айни шу дақиқаларда Россия терма жамоаси медаллар жамғариш бўйича ҳамон катта фарқ билан пешқадамлик қиляпти. Уларга ҳеч ким ета олмаслиги кундек равшан. Мезбонлар 81 та олтин, 21 та кумуш, 29 та бронза, жами 131 та медални қўлга киритиб улгуришган. Озарбайжон 12 та олтин, 9 та кумуш, 18 та бронза медали билан учинчи ўринни банд этган. Ўн битта олтин, 29 та кумуш, 39 та бронза медалига эга Қозоғистон делегацияси тўртинчи поғонадан жой олган. 

Бугун (9 сентябрь) 6 та спорт (дзюдо, каратэ, бадиий гимнастика, рақс спорти, ўқ отиш, футзал) туридан баҳслар бўлиб ўтади.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг