14 авг 12:31
Янгиликлар

Теннис

Мэдисон Киз Мугурусани мусобақадан чиқариб юборди

АҚШнинг Цинциннати шаҳрида теннис бўйича нуфузли WTA турнири давом этмоқда.

Сайёрамизнинг 18-ракеткаси Мэдисон Киз мусобақанинг илк давра учрашувида испаниялик Гарбин Мугурусага қарши баҳс олиб борди. Америкалик теннисчи WTA рейтингининг 27-поғонасидан жой олган рақибасини 6/7(4), 7/6(5), 6/4 ҳисобида таслим этди.

Учрашув 2 соату 20 дақиқа давом этган. Киз бу вақт оралиғида 13 та эйс зарбасини амалга оширган. Икки теннисчининг ўзаро учрашувлардаги ҳисоб мувозанати йириклашди - 4:1. 24 ёшли Мэдисоннинг Western & Southern Open турнири иккинчи даврасидаги рақибаси россиялик Дарья Касаткина ва чехиялик Барбора Стрикова баҳсидан сўнг маълум бўлади.