19 авг 07:48
Янгиликлар

Теннис

Медведев Цинциннати “Мастерс” чемпиони бўлди

Дунёнинг саккизинчи ракеткаси Даниил Медведев АҚШнинг Цинциннати шаҳрида якунланган “Мастерс” сериясига кирувчи турнир ғолибига айланди.

Россиялик теннисчи Western & Southern Open турнирининг финал учрашувида бельгиялик Давид Гоффинга қарши кортга чиқди ва рейтингда 19-поғонадан жой олган рақибини 7/6(3), 6/4 ҳисобида мағлубиятга учратди.

Медведев мавсумдаги иккинчи, фаолиятидаги бешинчи совринини қўлга киритди. Цинциннатидаги муваффақиятли иштирок Даниилга 1 миллион 114 225 доллар мукофот пули ҳамда 1000 рейтинг очкосини тақдим этди. Гоффин эса 564 005 доллар ҳамда 600 рейтинг очкосига эга бўлди. Медведев бугун эълон қилинадиган янги рейтингда бешинчи ўринга кўтарилади.