Менежер Исроил Мадримовнинг режалари билан ўртоқлашди

Мадримовнинг менежери Вадим Корнилов шу ҳақда гапириб, режаларга тўхталиб ўтди. Яқинда америкалик бўйдор боксчи Себастьян Фундора австралиялик Тим Цзюни мағлубиятга учратиб, биринчи ўрта вазндаги WBC ва WBO чемпионлик камарларини қўлга киритганди. Унинг жамоаси Цзюга реванш беришни ҳамда собиқ чемпион Эррол Спенс билан жанг ўтказиш бўйича музокараларни бошлаб юборган.

"Чемпионлар чемпионлар билан жанг қилсин. Айнан шу нарсани мухлислар ва кенг бокс оммаси хоҳлаяпти. Одамлар Фундоранинг уч мартта Цзю билан жанг ўтказишини ёки Спенсга қарши рингга кўтарилишини истамайди. Себастьян, улар билан битта жанг етади. Сен чемпионлар билан жанг қил", — деди Корнилов. 

Вадим Корниловнинг сўзларига кўра, Мадримовнинг навбатдаги жанги бўйича аллақачон музокаралар бошланган. Чарм қўлқоп устамиз кучли боксчиларга қарши жангларда ўзининг нималарга қодирлигини кўрсатишга тайёр.  

"Биз энг катта жанг устида ишлаяпмиз. Мадримов вазннинг ҳамма чемпионлари билан жанг қилишга тайёр. Эртами-кеч бу ҳолат рўй беради", — деди менежер.