"Мени осмондан кузат ва куч бағишла". Леброн Жеймс Коби Брайантга видолашув хатини ёзди

"Мен тайёр эмасман, лекин бу ишни қилишим керак. Нимадир ёзишга ҳаракат қилмоқдаман, аммо ҳар доим бу ишни қилишни бошлаганимда йиғлайман. Сени, Жижини ва дўстлигимизни эслайман. 

Ҳозиргина сенинг якшанба куни эрталаб Филадельфиядан Лос-Анжелесга қайтганинг вақтдаги овозингни эшитдим. Ўша бизнинг сўнгги суҳбатимиз эканлигини хеч қачон ҳам ўйлаб кўрмагандим. Қандай қилиб?! Мен сени яхши кўраман акам. Ванесса ва қизалоқларингни чин кўнгилдан тушуниб турибман. 

Ваъда бераман, сенинг ишларингни давом эттираман. Сен биз учун, "Лейкерс" мухлислари учун катта аҳамиятга эгасан. Мен бу вазифани ўзимга олишга ва шу тарзда давом этишга мажбурман. Илтимос, мени осмондан кузат ва куч бағишла.

Айтадиган кўплаб гапларим бор, лекин мен шунчаки буни қиладиган ҳолатда эмасман. Кўришгунча, менинг қадрли акам", - деб ёзиб қолдирди Жеймс ижтимоий тармоқдаги саҳифаси орқали.