Мэнни Пакьяо, Марио Барриос, Тим Цзю, Себастьян Фундора ва бошқалар тарозига чиқишди

Оқшомнинг асосий жанги филиппинлик 46 ёшли бокс афсонаси Мэнни Пакьяо ҳамда яримўрта вазнда WBC чемпиони Марио Барриос ўртасида ўтказилади. Тўрт йиллик танаффусдан сўнг катта боксга қайтган Пэкмен фаолиятидаги катта вазнлардан бирини қайд этди - 66,59 кг! 30 ёшли Барриос эса 66,32 кг тош босди. 

Саккиз вазн тоифасида собиқ жаҳон чемпиони бўлган Пакьяо 2012 йилда яримўрта вазн учун 66,68 кг вазн кўрсатганди. Қолган барча жангларида филиппинликнинг вазни меъёрдан кам бўлган. 

Турнир кардида битта ўзгариш кузатилди. Собиқ жаҳон чемпиони Исаак Крусга қарши рингга чиқиши керак бўлган Анхель Фиеро соғлиғида юзага келган муаммо сабаб жангдан ечилди. Унинг ўрнини энди Омар Сальсидо эгаллайди. Крус тарозида 62,96, Омар эса 63,23 кг тош босганди. 

Лас-Вегасдаги оқшомнинг co-main event жанги биринчи ўрта вазнда амалдаги WBC чемпиони Себастьян Фундора ҳамда австралиялик Тим Цзю ўртасида кечади. Баланд бўйга эга Фундора — 69,22 кг, Цзю эса — 69,49 кг вазн қайд этди.

Барча тарози натижалари:

Себастьян Фундора  — 69,22 кг

Тим Цзю — 69,49 кг.

Исаак Крус — 62,96 кг

Омар Сальсидо — 63,23 кг.

Брэндон Фигероа — 57,15 кг

Жоэт Гонсалес — 56,7 кг.

Гэри Расселл-младший — 59,69 кг

Уго Кастанеда — 61,6 кг.

Давид Пикассо — 56,7 кг

Кёносуке Камеда — 57,15 кг.

Марк Магсайо — 58,51 кг

Хорхе Мата — 58,51 кг.

Ушбу жанг 20 июль тонгида тахминан соат 8:30 дан сўнг бошланади. 

Жангни телеграмдаги Universal Sport канали орқали жонли эфирда томоша қилиш мумкин бўлади.