Мераб Двалишвили 50 ёшгача жанг қилмоқчи эканлигини айтди

"Менинг мақсадим – 50 ёшгача жанг қилиш. Албатта, шунча вақт чемпион бўлиб қолишга умид қиламан, аммо ростини айтсам, бу имконсиз. Ҳозир мен 34 ёшдаман. 16 йил давомида чемпион бўлиб қолиш – амалга ошмайдиган иш", – деди UFC чемпиони.

Аввалроқ Двалишвили йил охирига қадар яна икки жанг ўтказишни хоҳлаётганини айтганди. Октябрда у Кори Сэндхагенга қарши камарни ҳимоя қилади, декабрда эса Пётр Ян билан жанг қилишни мақсад қилган.