16 май 15:04
Янгиликлар

Бокс/ММА

Мераб Двалишвили таксида автофалокатга учради + ФОТО

UFC чемпионлик камарига даъвогар Мераб Двалишвили 5 та автомобил иштирок этган йўл транспорт ходисасига учради.

Бу ҳақда грузиялик аралаш яккакураш устасининг ўзи ижтимоий тармоқдаги саҳифасида хабар берган.

"Бу даҳшат. Нью-Йоркка келганимга бир кунгина бўлди ва шундай сюрпризлар мени кутиб олди. Мен таксида кетаётган эдим. Шу пайт кетма-кет машиналар келиб урилди. Мен орқа ўриндиқда ўтиргандим. Зарба айнан мен ўтирган томонга бўлди. Яратганга шукур, ҳеч қаерим лат емади", - деди Мераб.

Эслатиб ўтамиз, 33 ёшли Мераб Двалишвили шу йилнинг февраль ойида Анахаймда ўтган UFC 298 турнирида америкалик икки вазнда собиқ UFC чемпиони Генри Сехудони очколар ҳисобига кўра мағлубиятга учратган эди. Бу унинг кетма-кет қўлга киритган ўнинчи ғалабаси бўлганди. Энди у амалдаги чемпион Шон О’Мэллига қарши октагонга чиқиши керак.