16 мар 12:24
Янгиликлар

Ўқ отиш

Мерганлар баҳси қизғин паллага кирди

Хабарингиз бор, пойтахтимизда пневматик қуролдан ўқ отиш бўйича Ўзбекистон чемпионати бўлиб ўтмоқда.

Турнирнинг иккинчи кунида хотин-қизлар ўз имкониятларини синаб кўришди. Саралаш босқичида муваффақиятли иштирок этиб, финалга йўл олган спортчилар ҳал қилувчи баҳсларда маҳоратларини ишга солишди.

Чемпионлик учун бўлган курашда хоразмлик Олима Комилова 240,6 очко билан биринчи ўринни қўлга киритди. Иккинчи ўрин эса 235,6 очко тўплаган пойтахт вилояти спортчиси Зайнаб Пардабоевага насиб этди. Сурхондарёлик Наталья Сластён кучли учликка якун ясади.

Терма жамоага саралаш учун бўлган финалда кутилганидек, Сакина Мамедова энг кўп очко жамғарди – 248,2. Иқтидорли спортчи Олима Комилова иккинчи, Елена Кузнецова учинчи ўринларни қўлга киритди.