12 июн 08:33
Янгиликлар

Теннис

Мертенснинг Хертогенбосдаги кутилмаган мағлубияти

Голландиянинг Хертогенбос шаҳрида теннис бўйича майса қопламали WTA турнири давом этмоқда.

Дунёнинг 21-ракеткаси Элизе Мертенс кутилмаганда илк давра учрашувидаёқ мағлубият аламини тотиб кўрди. Бельгиялик теннисчи рейтингнинг 52-поғонасидан жой олган россиялик Екатерина Александровга ютқазиб қўйди.

Етмиш дақиқа давом этган учрашувда Катя номдор рақибасини 6/4, 6/2 ҳисобида таслим этди. Бу теннисчиларнинг ўзаро илк учрашуви эди. Энди Александрова Libema Open турнирининг иккинчи даврасида яна бир бельгиялик теннисчи Исалин Бонавантюрга қарши кортга чиқади.