Метц турнири бош соврини Италияга кетди

Ҳал қилувчи финал учрашувида рейтингнинг 65-поғонасидан жой олиб турган италиялик Лоренцо Сонего дунёнинг 44-ракеткаси, қозоғистонлик Александр Бубликка қарши кортга чиқди. Саксон тўққиз дақиқа давом этган баҳсда Сонего рақибини 7/6(3), 6/2 ҳисобида мағлубиятга учратди. 

Теннисчиларнинг ўзаро учрашувларида Лоренцо ҳисобни йириклаштирди - 4:1. Статистикага эътибор қаратадиган бўлсак, Сонего 6, Бублик 7 та эйс зарбасини амалга оширган. Бу Лоренцонинг мавсумдаги биринчи, фаолиятидаги учинчи соврин бўлди. Метцдаги муваффақиятли иштирок сабаб у 250 рейтинг очкоси ҳамда 81,310 евро мукофот пули ишлаб олди.