29 мар 13:49
Янгиликлар

Теннис

Miami Open. Карлос Алькараз 1/16 финалда Марин Чилични мағлуб этди

Майамида "Мастерс" сериясига кирувчи нуфузли турнир давом этмоқда.

Испаниялик Карлос Алькараз турнирнинг учинчи давра учрашувида хорватиялик Марин Чилични 6/4, 6/4 ҳисобида мағлуб этиб, 1/8 финалга йўл олди.

1 соату 36 дақиқа давом этган учрашувда жаҳоннинг 16-ракеткаси бир марта қўш хатога йўл қўйди, иккита эйс зарбасини амалга оширди. АТР рейтингида 23-ўринни эгаллаб турган Чилич эса бир маротаба қўш хатога йўл қўйди, иккита эйс қайд этди. Бундан аввал теннисчилар ўзаро бир марта тўқнаш келган ва ўшанда ғалаба Чиличга насиб этган эди.

Алькаразнинг 1/8 финалдаги рақиби жаҳоннинг бешинчи ракеткаси, грециялик Стефанос Циципас бўлади.