"Милан" 40 ёшли Ибрагимович билан янги шартнома имзоламоқчи

Швециялик ҳужумчи июль ойи бошланиши билан эркин агентга айланди, аммо Sky Sport Italia хабарига кўра, "россонерилар" яқин кунларда у билан учрашиб, янги шартнома имзолашни муҳокама қилишмоқчи.

Клуб Ибрагимовични қўйиб юбормоқчи эмас, чунки у баъзи ўйинчиларга сезиларли таъсир кўрсатди ва жамоа учун Скудеттони қўлга киритишда муҳим рол ўйнади. Златаннинг ўзи ҳам операциядан кейин узоқ вақт тикланишига қарамай, фаолиятини давом эттириш ниятида. Бироқ унинг майдонга қайтишига олти ойдан кўпроқ вақт кетади.

Эслатиб ўтамиз, 40 ёшли ҳужумчи ўтган мавсум А Серияда 8 та гол урди.