Милик "Наполи" билан янги шартнома имзолашдан бош тортди ва январда жамоадан кетадиган бўлди

Неаполь клуби раҳбарияти шартнома узайтирилишига қизиқмоқда ва уни сал қимматроққа сотиш учун қисқа муддатли шартнома таклиф қилишган эди. Милик ва унинг агенти эса буни рад этишди.

Полякнинг амалдаги шартномаси 2021 йилнинг ёзига қадар мўлжалланган. Шу сабаб Милик жамоадан январда арзонроққа кетиши мумкин.

Шу билан бирга "Наполи" 26 ёшли ҳужумчи борасида таклиф олмади. Аркадиуш бош жамоадан алоҳида шуғулланмоқда, олдинроқ у А Серия ва Европа Лигаси қайдномасидан четда қолганди.