30 окт 12:17
Янгиликлар

Қишки спорт турлари

Минус 2 Олимпиада олтини: Россия энди Сочи-2014 да биринчи эмас!

Спорт арбитраж суди (CAS) россиялик биатлончи Евгений Устюговни антидопинг қоида бузарликларида айбдор деб топиб, унинг фаолиятидаги энг омадли тўрт йилида (2010-2014) қўлга киритган барча натижаларини бекор қилди.

Спортчининг Сочи-2014 Олимпиадасидаги олтин медали ҳамда Ванкувер-2010 олимпия ўйинларидаги олтин ва бронза медаллари олиб қўйилди.

Устюгов билан бирга Сочи эстафетасининг бошқа иштирокчилари ҳам олтин медалларидан айрилишди: А.Волков, Д.Малышко ва А.Шипулин, Ванкувер бронзасидан эса: И.Черезов, М.Чудов ва А.Шипулин.

Шу тариқа, жамоавий медаллар ҳисобида Россия Сочи-2014 даги биринчилигини Норвегияга бой берди.