06 мар 13:42
Янгиликлар

Бокс/ММА

Мирафзал Ахтамов Бразилияда жанг қилади(ми?) (ФОТО)

Ўзбекистонлик таниқли аралаш якка кураш устаси Мирафзал Ахтамовнинг кейинги жанги океан ортида бўлиб ўтиши мумкин.

Ҳамюртимиз ҳамкорлик қилувчи ECBSportsManagement компанияси ўз Instagram саҳифасида Ахтамовнинг навбатдаги жангига ишора берди.

Унга кўра, 33 ёшли Мирафзал 27 март куни Бразилиянинг Сан Пауло шаҳрида ташкил этиладиган LFA 229 турнирида октагонга кўтарилади. Бу маълумотни Ахтамов ҳам ўз саҳифасида улашди.

Мирафзал Ахтамов сўнгги жангини 2025 йилнинг октябрь ойида PFL Champions Series 2 турнири доирасида бразилиялик Луан Сардиньяга қарши ўтказиб, очколар ҳисобига кўра ғалаба қозонган эди. У фаолияти давомида 11 та жангда қатнашиб, 9 та ғалаба, 1 тадан дуранг ва мағлубиятни ўз ҳисобига ёздириб қўйган.