Миржалол Қосимов ва Раъно Шодиева иштирок этган ҳамда 76 500 000 сўм тўпланган турнирнинг тақдирлаш маросимидан ФОТОГАЛЕРЕЯ

Ўзбекистон Республикаси суғурта компанияларининг ижтимоий фаоллигини намоён қилиш мақсадида республика Ёшлар иттифоқи, Жисмоний тарбия ва спорт вазирлиги, Маданият вазирлиги, Миллий олимпия қўмитаси ва “GROSS INSURANCE” масъулияти чекланган жамияти кўмагида ташкил этилган мини-футбол бўйича IV Халқаро хайрия турнирида Ўзбекистон Республикаси суғурта компанияси вакилларидан иборат жамоалар, шериклар ҳамда яқин ва узоқ хорижий мамлакатлардан келган футболчилар иштирок этди.

Финалда “Orient finans bank” ва “APEX” жамоалари майдонга тушишди. Қизғин ва муросасиз кечган ўйинда “OFB” 4:2 ҳисобида рақибидан устун келди ҳамда турнирнинг мутлоқ ғолибига айланди.

Маҳаллий ва Халқаро суғурта компаниялари ўртасидаги шерикчилик муносабатларини мустаҳкамлашда, аҳоли ўртасида футболни оммалаштиришда ҳамда соғлом турмуш тарзини тарғиб қилишда алоҳида аҳамият касб эта олган мазкур турнир давомида 76 500 000 сўм тўпланди.  

Ушбу хайрия турниридан келиб тушган маблағ Ўзбекистон Ёшлар Иттифоқи ҳузуридаги “Имконияти чекланган ёшлар ва болалар маркази”га йўналтирилади ва юрак хасталигига чалинган болаларни даволашда фойдаланилади.

Турнирнинг ғолиб ва совриндорлари ташкилотчилар томонидан таъсис этилган медаль, диплом ва қимматбаҳо совғалар билан тақдирланди. Шунингдек, турли номинацияда ғолиб, деб топилган иштирокчилар ҳам совғаларсиз қолмади.

Халқаро ҳайрия турнири эл севган санъаткорларнинг чиқишлари билан якун топди.

Суратлар муаллифи - Алимурод Мамадаминов