11 ноя 15:12
Янгиликлар

Бокс/ММА

Мироншох Жафаров навбатдаги жангини қозоғистонлик тажрибали рақибига қарши ўтказади

Octagon 53 мусобақасининг илк жанги эълон қилинди.

Лига матбуот хизматининг хабар беришича, 23 декабрь куни Олма-Ота шаҳрида ўтказиладиган мусобақа доирасида ўзбекистонлик аралаш якка кураш устаси Мироншох Жафаров (5-1-0) Қозоғистон вакили Карим Рузбакиев (9-2-0) билан жанг қилади.

Бу Мироншох учун бир йиллик танаффусдан кейинги илк жанг бўлади. У охирги жангини ўтган йилнинг май ойида россиялик Хамзат Чапановга қарши ўтказиб, муддатидан олдин мағлуб бўлган эди.

Карим Рузбакиев эса сўнгги жангини жорий йилнинг май ойида Даниял Элбаевга қарши ўтказиб, муддатидан олдин мағлубиятга учраган.