Миша Ге: “Иштирокимдан мамнунман, лекин жаҳон чемпионатидаги натижам бундан ҳам яхши бўлади”

Унда ҳамюртимиз Миша Ге ҳам чиқиш қилди. Бугунги эркин дастурдан сўнг ҳамюртимиз Қишки Олимпиададаги иштироки юзасидан бизга интервью берди.

- Миша, Олимпиададаги иштирокингиздан кўнглингиз тўлдими?

- Умумий олганда кўнглим тўлди. Лекин натижа бундан ҳам яхшироқ бўлиши керак эди. Йўл қўйган хатоларим ўзимга аён. Энди хатоларсиз иштирок бўлмайди. Қисқа дастурда 14-ўринни эгалладим. Ўйлашимча, ёмон эмас. Энди бор эътиборимни икки ҳафтадан сзнг бошланадиган жаҳон чемпионатига қаратаман. Хатоларим устида ишлаб, натижамни Олимпиададан кўра яхшироқ бўлишига ҳаракат қиламан.


- Кейинги Олимпиадачи?

- Тўрт йилдан сўнг умуман бошқача вазият бўлади. Балки, мураббий ёки хореограф, балки ташкилотчи бўларман. Ҳали бу борада бир тўхтамга келмадим. Жаҳон чемпионатидан сўнг бу ҳақда ўйлаб кўраман. Ҳозир бор эътиборимни жаҳон чемпионати тайёргарлигига қаратаман.

- Яқин келажакда фигурали учиш бўйича қайси ўзбекистонлик спортчига умид боғласак бўлади?

- Бугунги кунда фигурали учиш билан кўплаб ёшлар шуғулланишяпти. Лекин уларнинг халқаро майдонда ўсиши учун зарур шароитларни яратиб бериш керак.


- Ёш Элизабета Турсунбоеванинг имкониятларини қандай баҳолайсиз?

- Унинг потеницали юқори. Лекин унинг иштирокини кўрмаганимга анча бўлди. Ҳозирги жисмоний ҳолати қандай, жароҳати борми, агар бўлса мусобақаларга тайёргарлик кўриш учун ҳалал бермаяптими? Бу нарсаларни билмайман. Аммо, ҳамма қатори мен ҳам Элизабетанинг халқаро мусобақаларда юқори марраларни забт этишига ишонаман.

Мирон Гойхман championat.asia ва olamsport.com сайтлари учун Пхёнчхандан махсус тайёрлади

Олимпиада-2018. Фигурали учиш баҳсларида Миша Ге эркин дастурда чиқиш қилди

Миша Генинг чиқишидан ФОТОГАЛЕРЕЯ