17 фев 10:24
Янгиликлар

Олимпия ўйинлари

Олимпиада-2018. Фигурали учиш баҳсларида Миша Ге эркин дастурда чиқиш қилди

Теглар : Фигурали учиш Миша Ге Олимпиада-2018

Фигурали учиш бўйича Ўзбекистон терма жамоаси аъзоси Миша Ге Пхёнчханда бўлиб ўтаётган Олимпия ўйинларида ўз иштирокини якунлади.

Кеча вакилимиз қисқа дастурлардаги чиқишларда 83,90 балл тўплаб, ҳолда 14-ўринни эгаллаганди.
Бугун Миша эркин дастурда 161,04 балл жамғарди ва эркин дастур бўйича 17-натижани кўрсатди. Умумий ҳисобда 244,94 балл тўплаган Миша Ге Пхёнчхан Олимпиадасида 30 нафар спортчи ичида 17-поғонадан ўрин олди.

Умумий ҳисобда япониялик Юзуру Ханю 317,85 балл билан Олимпиада чемпиони бўлди. Иккинчи ўринни 306,90 балл жамғарган бошқа бир япониялик спортчи Шома Уно эгаллади. Кучли учликка испаниялик Хавьер Фернандес (305,24) якун ясади.

Спортчимизнинг иштирокидан суратларни сайтимизнинг ФОТОГАЛЕРЕЯ бўлими орқали томоша қилишингиз мумкин.