21 июн 20:00
Янгиликлар
Митрофанов яна “Рио-2016” йўлланмасига эга бўлди
Аслида Митрофанов ўтган йили ҳаваскор бокснинг APB йўналишида муваффақиятли иштирок этгани боис лицензияга эга бўлганди. Негаки, унинг вазндоши туркиялик Адем Киличчи допинг қабул қилгани исботланганидан сўнг унга шундай имтиёз берилганди.
Лекин Туркия бокс федерацияси дисквалификация юзасидан ўз норозилигини билдириб, лицензияни украиналик спортчидан қайтариб олишга эришганди.
Аммо, яқинда Киличчидан олинган яна бир допинг-тест ижобий натижа берди. Оқибатда Дмитрий ўз “ризқи”ни қайтариб оладиган бўлди. Айтиш керакки, бу украиналикларнинг бокс бўйича эркаклар ўртасида биринчи олимпия ўйинлари йўлланмаси ҳисобланади.
Шу кунларда Дмитрий
Сосновский шогирдлари Боку шаҳрида ўтаётган олимпия ўйинларига саралаш
турнирида иштирок этмоқда. 25 июнь куни якунига етадиган нуфузли мусобкада
дунёнинг 92 давлатидан 375 нафар боксчи иштирок этаяпти. Мусобақада жами 39та
лицензия берилишини инобатга олсак, бу сафар украиналиклар тўлиқ таркибда
олимпия ўйинларида иштирок этмасликлари мумкин.
Фикрлар