Модрич Қатар клубига ўтишни рад этди

Журналист Экрем Конурнинг хабарига кўра, 36 ёшли хорватиялик ҳозирги жамоасида қолишни маъқул кўрган.

Модрич "Реал"га 2012 йилнинг ёзида "Тоттенхэм"дан ўтган эди. Ярим ҳимоячи "Реал" таркибидаги 10 йил давомида 429та ўйинда майдонга тушиб, 31та гол ва 70та ассист қайд этган. У жорий мавсум 38та баҳсда 3та гол уришга эришди.

Футболчининг "қироллик клуби" билан тузган амалдаги шартномаси ёзда якунига етади.