МОҚ раҳбари федерация мутасаддилари билан онлайн конференция ўтказди

Шу жумладан Ўзбекистон Миллий олимпия қўмитаси ҳам. Бугун МОҚ президенти Рустам Шоабдураҳмонов дастлаб қўмитасининг ходимлари, сўнгра Олимпия спорт турлари бўйича федерация мутасаддилари билан видеоконференция орқали боғланди.

МОҚ раҳбари суҳбат давомида ходимларнинг саломатлиги ва карантин вақтида кунни қандай ўтказаётганлиги ҳақида ҳол-аҳвол сўради ва карантин шароитида ҳам масофадан бўлсада ишни сусайтирмаслик, аксинча, ҳозирги қийин вазиятда янада эътиборлироқ бўлиб, ўз хизматларини масофадан туриб олиб бориш борасида кўрсатмалар берди. 

Шунингдек, федерация мутасаддилари билан кечган суҳбатда терма жамоамиз спортчилари, мураббийлар ва шифокорларнинг фаолияти, уй шароитида олиб борилаётган машғулотлар, уларнинг саломатлиги ҳақида ахборот олди. 

Рустам Шоабдураҳмонов сўз ўрнида мутасаддиларга Президентимиз ва ҳукуматимиз томонидан олиб борилаётган чора-тадбирлар билан бундай касалликни тез ва осон енгиб ўтишимиз ҳақида таъкидлаб, барчани карантин талабларига риоя қилишларини яна бир бор эслатиб ўтди.