МОҚ раҳбарияти Халқаро қиличбозлик федерацияси Бош котибига айланган Гулнора Саидова билан учрашди

Унда 14-16 февраль кунлари Тошкент шаҳрида ўтадиган рапира йўналиши бўйича ёшлар ўртасидаги Жаҳон кубогига олиб борилаётган тайёргарлик, халқаро ташкилот билан ҳамкорликнинг янги босқичлари ва юртимизда ушбу спортни янада ривожлантиришга оид масалалар муҳомака қилинди.

Бугунги кунги келиб, бўлажак мусобақада қатнашиш учун 15 давлатдан 69 нафар спортчи рўйхатдан ўтказилган. Суҳбатда терма жамоалар ва FIE вакиллари учун қулай шароитлар яратиш, турнирни юқори савияда ўтказиш бўйича қатор масалалар кўриб чиқилди.

Шунингдек, учрашувда 2027 йил пойтахтимизда ўтказиладиган катталар ўртасидаги жаҳон чемпионатига тайёргарлик, FIE билан янги лойиҳаларни йўлга қўйиш борасидаги режалар ҳам муҳокама қилинди.