Мозес Итаума нокаутли мағлубиятига илк бор изоҳ берди

Лондонда бўлиб ўтган жангда ўртага IBF йўналишидаги вақтинчалик жаҳон чемпионлик камари қўйилганди. Хргович дастлабки раундлардаги нокдаунларига қарамай, тўққизинчи раундда мағлубият нималигини билмай келаётган британияликни чуқур нокаутга учратди. Жанг тўхтатилгунига қадар Итаума очколар ҳисобига кўра ғалаба қозонаётган эди. 

"Кеча менинг куним эмас эди. Биз буюк бир иш қилишга уриндик, аммо тажрибалироқ рақибга имкониятни бой бердик. Филип Хрговични ғалаба билан табрикламоқчиман. Гарчи исталган натижага эриша олмаган бўлсам-да, келгуси жангларимда асқотадиган қимматли тажриба орттирдим деб ҳисоблайман. Аренадаги ва ундан ташқаридаги мухлисларга миннатдорлик билдираман. Сизлар туфайли бу оқшом мен кутганимдан ҳам ўзгача ва ҳаяжонли бўлди. Бу жуда яхши жанг бўлди. Худо сизларни асрасин. Ўзингизни эҳтиёт қилинг, мен қайтаман", — дея Итауманинг сўзларини ижтимоий тармоқдаги Tunnel Culture келтириб ўтади.