Хргович Уордлига фаолиятини якунлашни маслаҳат берди

18 октябрга ўтар кечаси Лондонда ўтказилган жангда WBO камари соҳиби Даниэль Дюбуа Уордлини иккинчи раундда техник нокаут билан мағлуб этди.

«Менимча, Уордли боксни тарк этиши керак. У ёмон жанг ўтказди. У жуда кўп пул ишлаб топди, мўъжиза яратиб, жаҳон чемпиони бўлди. Энди фаолиятини якунлаб, ҳаётдан завқланиши керак», — деди Хргович DAZN’га.

Хорватиялик боксчи Уордлининг жанг бошиданоқ яхши кўринмаганини ҳам қайд этди.

«Мен таассуротланмадим. Фабиога бошиданоқ нимадир етишмаётгандек эди. Дюбуа учун бу осон иш бўлди. Уордли реваншга жуда эрта рози бўлди. Биринчи жангда у жиддий зарбалар қабул қилган. Ҳамма ҳам Хргович бўла олмайди, ҳамманинг ҳам жағи бетондек мустаҳкам эмас», — дейди у.

Дюбуа ва Уордли ўртасидаги илк жанг 2026 йил май ойида ўтказилган ва Дюбуанинг 11-раунддаги техник нокаут билан ғалабаси билан якунланганди.