08 сен 15:16
Янгиликлар

Бокс/ММА

MPL лигаси ўзининг илк Selection турнирини ташкил этмоқда + КАРД

Мурадов Профессионал Лигаси раҳбарларидан бири Жасур Алижонов Olamsport.com сайтига берган интервьюсида лига тез орада Selection турнирларини йўлга қўйиши кутилаётганини айтиб ўтган эди.

Хабарингиз бор, 16 сентябрь куни Тошкентда MPL 8 турнири ташкил этилмоқда, айнан шу куни лига ўзининг илк Selection турнирини ҳам ўтказиши эълон қилинди.

Ушбу турнирда ёш ва ҳаваскор спортчилар ўз жангларини ўтказишади.

"Биз энди спортга кириб келаётган ва ўзини профессионал жангларда синаб кўрмоқчи бўлган йигитларга ёрдам бериш учун танлов лойиҳасини бошлаяпмиз. Мурадов Профессионал Лигасининг ҳар бир турниридан олдин, селекция жангларини ўтказиб, кейинчалик лигамизда фаолият юритадиган йигитларни саралаб оламиз. Улар билан шартномалар тузилади", - дейилган лига хабарида.

Маълумот учун, MPL 8/Selection турнири 16 сентябрь куни соат 18:00 да, пойтахтимиздаги "Алпомиш" муз саройида ўтказилади.